Özbəkistan Prezidenti Şavkat Mirziyoyev Azərbaycana səfərə gəlib - YENİLƏNİB

Özbəkistan Respublikasının Prezidenti Şavkat Mirziyoyev martın 1-də Azərbaycan Respublikasına səfərə gəlib.

"Operativ Media" xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Özbəkistan Prezidenti Şavkat Mirziyoyevi Azərbaycanın Baş nazirinin birinci müavini Yaqub Eyyubov, xarici işlər nazirinin müavini Xələf Xələfov və digər rəsmi şəxslər qarşılayıblar.

19:17

Özbəkistan Prezidenti Şavkat Mirziyoyev Azərbaycana yola düşüb.

"Operativ Media" xəbər verir ki, bu barədə Özbəkistan Prezidentinin "Twitter" hesabında paylaşım edilib.

"Prezident Şavkat Mirziyoyev Azərbaycana işgüzar səfərə getdi", - paylaşımda qeyd olunub.