Rusiya Rəqəmsal Nəzarət Xidməti (Roskomnadzor) dünyanın ən böyük anime və manqa məlumat bazası və sosial platforması olan MyAnimeList saytına girişi məhdudlaşdırıb.
Operativ Media xəbər verir ki, bu barədə RIA Novosti məlumat yayıb.
Məlumata görə, sayt 22 oktyabr tarixində Rusiya Federasiyasında qadağan olunmuş məlumatların yerləşdirildiyi resursların vahid reyestrinə daxil edilib.
Beləliklə, Rusiyada istifadəçilərin MyAnimeList platformasına girişi rəsmi şəkildə bloklanıb.
Qurum məhdudiyyətin səbəbi barədə ətraflı açıqlama verməyib.
