Bakıda Türkiyə Cümhuriyyətinin yaranmasının 102-ci ildönümünə həsr olunmuş təntənəli mərasim keçirilir

Türkiyə Cümhuriyyətinin 102-ci ildönümü münasibətilə Bakıda Gülüstan sarayında rəsmi qəbul təşkil edilib.

Operativ Media xəbər verir ki, tədbir Türkiyənin Azərbaycandakı səfirliyinin təşkilatçılığı ilə keçirilir.

Azərbaycan və Türkiyənin dövlət himnlərinin səsləndirilməsi ilə başlayan ziyafətdə qonaqlar sırasında Azərbaycanda akkreditə olunmuş diplomatik korpusun üzvləri, hərbi attaşelər, ictimai-siyasi xadimlər, Milli Məclisin sədri Sahibə Qafarova başda olmaqla parlament üzvləri, media nümayəndələri də yer alırlar.