İran Prezidenti Məsud Pezeşkian Fransa Prezidenti Emmanuel Makronla telefon danışığı aparıb.

Operativ Media xəbər verir ki, görüş zamanı tərəflər Tehranla Qərb ölkələri arasında əməkdaşlıq və ikitərəfli münasibətlərin inkişafı məsələlərini müzakirə ediblər.

Pəzeşkiyan bildirib ki, İran hər zaman dialoq və əməkdaşlığı dəstəkləyib, lakin indi addım atmalı olan tərəf Qərb ölkələridir: “İran səmimiyyətini sübut etməməlidir, əksinə, ABŞ və Avropa İslam Respublikasının etimadını qazanmalıdır”.

Makron isə öz növbəsində İranla Qərb arasında münasibətlərin konkret nəticələrə gətirib çıxaracaq yeni danışıqlar çərçivəsinin yaradılması üçün işləməyə hazır olduğunu vurğulayıb.