Azərbaycanın Türkiyədəki səfiri Zəfər Günü ilə bağlı paylaşım edib

Azərbaycanın Türkiyədəki səfiri Rəşad Məmmədov Azərbaycanı 8 noyabr - Zəfər Günü münasibətilə təbrik edib.

Operativ Media xəbər verir ki, bu barədə Rəşad Məmmədov "X" platformasında paylaşım edib.

"8 noyabr - Zəfər Günü münasibətilə bütün həmvətənlərimizi səmimi qəlbdən təbrik edirik! Şanlı Zəfərimizin 5-ci ildönümünü böyük qürur və fəxarət hissi ilə qeyd edirik. Azərbaycanın müstəqilliyi, suverenliyi və ərazi bütövlüyü uğrunda canlarını fəda etmiş qəhrəman Şəhidlərimizin əziz xatirəsini dərin ehtiramla yad edir, Qazilərimizə minnətdarlığımızı bildiririk", - deyə diplomat qeyd edib.