Ukrayna səfiri Zəfər Günü münasibətilə Azərbaycanı təbrik edib

Ukraynanın Bakıdakı səfiri Yuri Qusev Azərbaycanı Zəfər Gününün beşinci ildönümü münasibətilə təbrik edib.

Operativ Media xəbər verir ki, o bu barədə "X" sosial şəbəkəsindəki hesabında paylaşım edib.

"Azərbaycanın ərazi bütövlüyünün və suverenliyinin bərpasını simvolizə edən gün münasibətilə Azərbaycan rəhbərliyinə və xalqına səmimi təbriklərimi çatdırıram! Qardaş Azərbaycan xalqına sülh, rifah və gələcək uğurlar arzulayıram", - səfir qeyd edib.