Lavrov: Trampın nüvə sınaqları ilə bağlı açıqlamalarına aydınlıq gətirilməyib

"Trampın nüvə sınaqları ilə bağlı açıqlamalarına diplomatik kanallar vasitəsilə aydınlıq gətirilməyib".

Operativ Media xəbər verir ki, bunu Rusiyanın xarici işlər naziri Sergey Lavrov deyib.

“Prezident Donald Trampın nüvə sınaqlarının bərpasını elan edərkən nəyi nəzərdə tutduğuna dair diplomatik kanallar vasitəsilə hələlik heç bir açıqlama almamışıq”, - o deyib.

Oktyabrın 30-da Tramp “digər nüvə güclərinin” hərəkətlərini əsas gətirərək, Müharibə Departamentinə dərhal nüvə sınaqlarına başlamağı tapşırıb.