Yeni Azərbaycan Partiyasının Mərkəzi Aparatı qardaş Türkiyə xalqına başsağlığı verib.

Yeni Azərbaycan Partiyasının Mərkəzi Aparatından Operativ Media-ya verilən məlumata görə, başsağlığı mətnində deyilir:

"Türkiyə Hərbi Hava Qüvvələrinə məxsus hərbi yük təyyarəsinin Gürcüstan ərazisində qəzaya uğraması nəticəsində hərbçilərin həlak olması xəbərindən son dərəcə kədərləndiyimizi bildiririk.

Faciədə həyatını itirənlərin ailələrinə, yaxınlarına, qardaş Türkiyə xalqına dərin hüznlə başsağlığı verir, həlak olanlara Allahdan rəhmət diləyirik".