Mirziyoyev: Mərkəzi Asiya ölkələri və Azərbaycan xalqları çoxəsrlik dostluq və qardaşlıq bağları ilə birləşir

"Mərkəzi Asiya ölkələri və Azərbaycan xalqlarını çoxəsrlik dostluq və qardaşlıq telləri birləşdirir. Onları ümumi tarix və mədəniyyət, zəngin mənəvi və elmi irs bağlayır. Əzəldən bu torpaqlarda dünya elmini və maarifini öz parlaq fikirləri ilə işıqlandıran, fundamental əsərləri və görkəmli elmi kəşfləri ilə dünya sivilizasiyasının inkişafına layiqli töhfə vermiş böyük mütəfəkkirlər və alimlər yaşamışlar".

Operativ Media xəbər verir ki, bunu Özbəkistan Prezidenti Şavkat Mirziyoyev “Mərkəzi Asiya: ortaq mənəvi və maarifçi irs – ortaq gələcək” tədbirinin iştirakçılarına ünvanladığı müraciətində bildirib.

"Bu gün dünyanın müxtəlif bölgələrində qarşıdurmaların və münaqişələrin artdığı mürəkkəb bir dövrdə, hamımız üçün ən vacib vəzifə sülhün və sabitliyin qorunmasıdır. Biz tarixdən ibrət götürməli, hər bir məsələyə elm və maarifçilik ruhu ilə yanaşmalı, xalqlar arasında həmrəyliyi möhkəmləndirməli, sivilizasiyalararası dialoqu daha da genişləndirməliyik", - o, qeyd edib.