Vaaqn Xaçaturyan: Ermənistanla Azərbaycan arasında sülhün bərqərar olması Cənubi Qafqazı logistika mərkəzinə çevirəcək

Əminəm ki, Ermənistan və Azərbaycan arasında sülhün bərqərar olması, eləcə də həyata keçiriləcək TRIPP (Zəngəzur dəhlizi) layihəsi Cənubi Qafqazı logistik mərkəzə çevirəcək.

Operativ Media  xəbər verir ki, bu sözləri Tbilisidə səfərdə olan Ermənistan Prezidenti Vaaqn Xaçaturyan gürcü həmkarı Mixail Kavelaşvili ilə görüşdən sonra keçirdiyi birgə mətbuat konfransında söyləyib.

“Xalqlarımızın sosial rifahını təmin etmək bizim birgə məsuliyyətimizdir, biz Gürcüstan-Ermənistan münasibətlərinin daha da dərinləşməsi üçün səylərimizi əsirgəməyəcəyik”, - deyə V.Xaçaturyan vurğulayıb.

V.Xaçaturyan, həmçinin qeyd edib ki, Ermənistan BMT-nin Bioloji Müxtəliflik Konvensiyasının 17-ci Konfransına və 8-ci Avropa Vətəndaş Forumuna fəal şəkildə hazırlaşır.