"Biz Türkiyə diplomatiyasının gücünə güvənirik. İnanırıq ki, Moskvada Türkiyə diplomatiyasını başa düşürlər".

Operativ Media xəbər verir ki, bunu Türkiyədə səfərdə olan Ukrayna Prezidenti Volodimir Zelenski bildirib.

Onun sözlərinə görə, Türkiyənin Rusiyanın apardığı bu müharibə bağlı prinsipial mövqeyi Ukrayna üçün çox vacibdir:

"Ukraynanın müstəqilliyini və suverenliyini dəstəklədiyinə görə Türkiyəyə təşəkkür etmək istəyirəm. Biz Türkiyə diplomatiyasının gücünə və Moskvada onun başa düşülənliyinə güvənirik. İlin sonuna qədər əsir mübadiləsini bərpa etməyi ümid edirik. Türkiyə bu baxımdan böyük dəstək verir".