Ermənilərin Xankəndi-Xəlfəli-Turşsu yolu ilə silah-sursat daşımalarına dair görüntülər yayılıb

Toqquşmaların baş verdiyi torpaq dolama yolu (Xankəndi-Xəlfəli-Turşsu) ilə Ermənistandan Azərbaycanın Qarabağ bölgəsinə silah, sursat və yanacağın daşınmasına dair video sübutlar əldə edilib.

"Operativ Media" xəbər verir ki, bu barədə “Calibre” redaksiyasına hərbi dairələrdəki mənbələr bildirib.

"Videodan göründüyü kimi köçürmə gecə-gündüz həyata keçirilir və hər iki istiqamətdə nəqliyyatın hərəkəti müşahidə olunur. Belə ki, əgər ilk saniyələrdə Xankəndindən Ermənistan istiqamətində hərəkət görürüksə, 8 və 39-cu saniyələrdə Ermənistandan Xankəndinə doğru hərəkət edir. 46-cı saniyədən - yenə Xankəndindən Ermənistana doğru.

Üçtərəfli Bəyanata görə, Ermənistanla Azərbaycanın Qarabağ bölgəsi arasında yeganə əlaqə yolu Laçın yoludur və o, mülki yüklərin və mülki şəxslərin daşınmasına xidmət etməlidir. Ona görə də Bakı bu yol boyu rabitənin təhlükəsizliyinə zəmanət verməyi öhdəsinə götürdü.

Ermənistan Azərbaycana qarşı təcavüzkar işğalçılıq siyasətindən əl çəkmir, Azərbaycan ərazisindəki erməni silahlı birləşmələrini qaçaqmalçılıq yolu ilə qidalandırmaqda davam edir, nəticədə dünən hərbçilərimiz həlak olub" -məlumatda qeyd olunub.