Zamirə Ədilova: TƏBİB-in tabeliyində 91 publik hüquqi şəxs fəaliyyət göstərir

"Hazırda TƏBİB-in tabeliyində 91 publik hüquqi şəxs fəaliyyət göstərir. Onlardan biri də Şəmkir Rayon Mərkəzi Xəstəxanasıdır".

Operativ Media-nın Şəmkirə ezam olunmuş müxbiri xəbər verir ki, bu sözləri Şəmkir Rayon Mərkəzi Xəstəxanasına təşkil olunmuş mediaturda TƏBİB-in İctimaiyyətlə əlaqələr və kommunikasiya departamentinin rəhbəri Zamirə Ədilova bildirib.

O, bildirib ki, TƏBİB-in tabeliyində 2700-dən çox müxtəlif səviyyəli tibb müəssisəsi fəaliyyət göstərir: "Həmin müəssisələrdə 93 064 nəfər tibb və qeyri-tibb işçisi çalışır. Onların 16 923-ü həkimdir. Son statistikaya əsasən, TƏBİB-in tabeliyində fəaliyyət göstərən müəssisələrə cəlb olunan həkimlərin 8 faizi xaricdə təhsil almış və ya orada işləmiş mütəxəssislərdir".