Zelenski özünə müşavir təyin edib

Ukrayna Prezidenti Volodimir Zelenski ABŞ-dəki keçmiş səfir Oksana Markarovanın Ukraynanın yenidən qurulması və investisiyaları üzrə müşaviri təyin olunduğunu elan edib.

Operativ Media xəbər verir ki, Prezident Aparatının rəhbəri Andrey Yermakın istefasından sonra Markarova onun yerinə namizəd hesab olunurdu. 

Oksana Markarova 2021-ci ildən 2025-ci ilin yayına qədər Ukraynanın ABŞ-dəki səfiri vəzifəsində çalışıb.

O, həmçinin Zelenskinin 2018-ci ildən 2020-ci ilə qədər prezidentliyinin əvvəlində maliyyə naziri vəzifəsində çalışıb.