Spiker: Yaxın gələcəkdə Ermənistan-Azərbaycan sərhədinin daha bir hissəsi delimitasiya olunacaq

Azərbaycan və Ermənistan parlamentinin sədri Alen Simonyanın fikrincə, yaxın gələcəkdə Ermənistan-Azərbaycan sərhədinin daha bir hissəsi delimitasiya olunacaq.

Operativ Media "Armenpress"ə istinadən xəbər verir ki, bunu Alen Simonyan İnsan Hüquqlarının Müdafiəsi Beynəlxalq Günü ilə bağlı keçirilən tədbir çərçivəsində verdiyi qısa müsahibədə bildirib.

“Deməliyəm ki, bəzi məsələlərdə biz sürətlənirik, bəzi məsələlərdə isə Azərbaycan tərəfi, amma proses davam edir və mən hesab edirəm ki, yaxın gələcəkdə sərhədin daha bir hissəsini delimitasiya edəcəyik,” – Simonyan qeyd edib.

O, hansı hissədən söhbət getdiyini dəqiqləşdirməyib.

Parlament sədri, prosesin gələn ilin ilk rübündə baş tutmasının mümkün olduğunu bildirib.