İran nümayəndə heyəti bir ay ərzində Rusiyaya səfər edərək Rəşd-Astara dəmir yolu xəttinin tikintisi üzrə müqaviləni imzalayacaq.

Operativ Media xəbər verir ki, bu barədə  İranın nəqliyyat infrastrukturunun tikintisi və inkişafı üzrə direktoru Huşanq Bazvand bildirib.

Onun sözlərinə görə, müqavilənin imzalanmasından sonra faktiki olaraq dəmir yolunun tikintisi başlayacaq:

"İran dəmir yolunun layihələndirilməsi və tikintisi məsələsində Rusiya tərəfindən irəli sürülən təkliflərin təxminən 70 %-ni qəbul edib. Baş podratçı olaraq İran İslam İnqilabı Keşikçiləri Korpusunun (SEPAH) strukturuna daxil olan "Xatəm əl-Ənbiya" tikinti şirkəti seçilib".