ABŞ dondurulmuş Rusiya aktivlərindən istifadə etmək niyyətindədir

ABŞ prezidenti Donald Trampın administrasiyası Avropa ölkələrinə açıq şəkildə bildirib ki, Ukraynada nizamlanma prosesində dondurulmuş Rusiya aktivlərindən istifadə etməyi planlaşdırır.

Operativ Media xəbər verir ki, bu barədə Washington Post qəzeti mənbələrə istinadən məlumat yayıb.

Məlumata görə, Vaşinqton Avropa paytaxtları ilə bu məsələni müzakirə edir və sözügedən aktivlərin münaqişənin həlli üçün maliyyə aləti kimi cəlb olunmasını mümkün variantlardan biri kimi dəyərləndirir.

ABŞ tərəfi bunun həm Ukraynaya dəstək, həm də diplomatik prosesə təkan verə biləcəyini hesab edir.