Azərbaycan Səudiyyə Ərəbistanı Krallığı və Birləşmiş Ərəb Əmirliklərinin Yəmən Respublikasında davam edən gərginliyin azaldılması, təhlükəsizlik və sabitliyin təşviq edilməsi istiqamətində göstərdiyi səyləri alqışlayır. 

Operativ Media xəbər verir ki, bu barədə Azərbaycan XİN sosial media hesabında paylaşım edib.

Yəməndəki mövcud vəziyyət təmkinli olmağın və kollektiv iş, dialoq və sülh yolu ilə həll yollarına üstünlük verilməsinin zəruriliyini vurğulayır.

"Azərbaycan Yəmən Respublikasının birliyi, suverenliyi və ərazi bütövlüyünə dəstəyini bir daha təsdiqləyir və ölkədə davamlı sülh, rifah və inkişafın əldə olunması məqsədilə yəmən xalqının maraqlarının qorunmasına yönəlmiş bütün təşəbbüsləri yüksək qiymətləndirir", - paylaşımda qeyd olunub.