Ermənistanın İqtisadiyyat naziri: Azərbaycana meyvə, tərəvəz və bəzi içki növləri ixrac edə bilərik

"Ermənistandan Azərbaycana ixrac mümkündür".

Operativ Media xəbər verir ki, bu barədə Ermənistanın İqtisadiyyat naziri Gevorq Papoyan 28 dekabrda jurnalistlərlə söhbətində bildirib.

"Təkcə idxal deyil, həm də ixrac mümkündür, gözləyin, hər şey mümkündür. Biz Gürcüstan Dəmir Yolundan kifayət qədər rəqabətli qiymət aldıq, ona görə də bir çox imkanlar var. Düşünürəm ki, tezliklə Gürcüstan və Azərbaycan tərəfləri daha bir uğurlu sövdələşməni elan edəcəklər və biz bunu təsdiqləyəcəyik", - nazir bildirib.

Ermənistanın Azərbaycana nə təklif edə biləcəyi ilə bağlı suala Papoyan belə cavab verib: "Malların siyahısı var: alüminium, heyvanlar, meyvə-tərəvəz, bəzi növ içkilər, müxtəlif növ tekstil məhsulları, yəni görülən işlər var, hazırda bu müzakirələr aparılır".