Fərid Qayıbov Koordinasiya Komissiyasının iclasında iştirak edib

Azərbaycan Respublikasının gənclər və idman naziri, Avropa Gimnastikasının prezidenti Fərid Qayıbov 2027-ci ildə İstanbulda keçiriləcək IV Avropa Oyunları Koordinasiya Komissiyasının iclasında iştirak edib.

Operativ Media xəbər verir ki, bu barədə Gənclər və İdman Nazirliyi məlumat yayıb.

Tədbirdə həmçinin, Türkiyənin gənclər və idman naziri Osman Aşkın Bak, Avropa Olimpiya Komitəsinin prezidenti Spiros Kapralos, Türkiyə Milli Olimpiya Komitəsinin rəhbəri Ahmet Gülüm, eləcə də Avropa Olimpiya Komitəsinin rəsmiləri, milli və Avropa idman federasiyalarının nümayəndələri iştirak ediblər.

İclasda müxtəlif ölkələrin milli olimpiya komitələrinin rəhbərləri və digər maraqlı tərəflərlə birgə Avropa Oyunlarına hazırlıq məsələləri müzakirə olunub.