Ukrayna səfiri Macarıstan XİN-ə çağırılıb

Macarıstanın Baş naziri Viktor Orban Ukrayna səfirinin Xarici İşlər Nazirliyinə çağırılmasına göstəriş verib.

Operativ Media xəbər verir ki, buna səbəb kimi Kiyevin Budapeştə qarşı təhdidləri göstərilib.

Macarıstanın Baş naziri "Facebook"da yazıb:

"Biz heç kimin Macarıstanın suverenliyini təhlükəyə atmasına yol verə bilmərik. Buna görə də bu gün xarici işlər naziri Peter Siyartoya Ukraynanın Macarıstandakı səfirini Xarici İşlər Nazirliyinə çağırmağı tapşırdım".