ABŞ səfirliyi: Vensin səfəri ABŞ–Azərbaycan münasibətlərinin möhkəmliyini nümayiş etdirir

ABŞ vitse-prezidentinin səfəri ABŞ–Azərbaycan münasibətlərinin möhkəmliyini nümayiş etdirir.

Operativ Media xəbər verir ki, bu barədə ABŞ-nin Azərbaycandakı səfirliyi paylaşım edib.

Qeyd olunub ki, bu həftə ABŞ-nin vitse-prezidenti Cey Di Vens Azərbaycana səfər edəcək.

Bildirilib ki, sözügedən səfər son illərdə Azərbaycana həyata keçirilən ən yüksək səviyyəli səfər olmaqla, ABŞ–Azərbaycan münasibətlərinin möhkəmliyini nümayiş etdirir.

Vurğulanıb ki, vitse-prezidentin səfəri iki ölkə arasında əməkdaşlığın genişləndirilməsinə, eləcə də Cənubi Qafqazda sülh və sabitliyin möhkəmləndirilməsinə dair ortaq öhdəliyi bir daha təsdiqləyir.