Fahrettin Koca: Zəlzələ nəticəsində yaralanan 10 minə yaxın şəxsin müalicəsi davam etdirilir

"Türkiyədə Kahramanmaraş mərkəzli zəlzələlərdən sonra 9881 zəlzələ qurbanının müalicəsi davam edir".

"Operativ Media" xəbər verir ki, bu barədə Türkiyənin səhiyyə naziri Fahrettin Koca tviterdə açıqlama verib.

Zəlzələdən zərər çəkmiş 9881 xəstənin yatdıqları xəstəxanalarda müalicəsinin davam etdiyini bildirən Koca, 1834 xəstənin reanimasiyada olduğunu bildirib.

“Onların sağalması üçün əlimizdən gələni edirik”, - nazir qeyd edib.