Almaniya kansleri Fridrix Merts Yaxın Şərqdəki son hadisələrlə bağlı açıqlama verib.

Operativ Media xəbər verir ki, bu barədə o, "X" hesabında açıqlama yayıb.

O bildirib ki, çərşənbə axşamı Vaşinqtonda ABŞ Prezidenti Donald Trampla regiondakı son inkişafları müzakirə edəcək.

Kansler qeyd edib ki, Avropa ölkələri, İsrail və daha geniş bölgədəki tərəfdaşlarla sıx əlaqə saxlanılır.

Fridrix Merts vurğulayıb ki, hazırkı mərhələdə müttəfiqlərə nəsihət vermək deyil, birlik və həmrəylik nümayiş etdirmək əsas prioritet olmalıdır.