Rütte: İran Avropa və Yaxın Şərq üçün təhlükədir

"NATO İranın nüvə və raket potensialının zəiflədilməsini dəstəkləyir, lakin əməliyyatda iştirak etmir".

Operativ Media xəbər verir ki, bunu NATO-nun baş katibi Mark Rütte Şimali Makedoniyada mətbuat konfransında bildirib.

O qeyd edib ki, İran nüvə potensialına sahib olmaq üzrədir və ballistik raketlərə malikdir, bu isə həm Yaxın Şərq, həm də Avropa üçün təhlükə yaradır.

Rütte bildirib ki, Avropa liderləri ilə danışıq nəticəsində müttəfiqlər İranın nüvə və raket imkanlarının zəiflədilməsini dəstəkləyiblər.