Azərbaycan və Çinin "iSoftStone" şirkəti arasında rəqəmsal iqtisadiyyat və innovasiyalar sahəsində tərəfdaşlıq imkanları müzakirə edilib.

Operativ Media xəbər verir ki, bunu iqtisadiyyat naziri Mikayıl Cabbarov "X" sosial şəbəkəsində hesabında bildirib.

Müzakirələr nazirin "iSoftStone"un icraçı vitse-prezidenti Li Huanq ilə görüşündə baş tutub.

Onun sözlərinə görə, tərəflər həmçinin texnologiya transferi, eləcə də Azərbaycanda kompüter və elektron avadanlıqlar istehsalını dəstəkləyəcək təchizat və dəyər zəncirinin formalaşdırılması istiqamətində əməkdaşlığa dair fikir mübadiləsi aparıblar.