İlham Əliyev Şavkat Mirziyoyevi təbrik edib

Azərbaycan Prezidenti İlham Əliyev Özbəkistan Prezidenti Şavkat Mirziyoyevi Novruz bayramı münasibətilə təbrik edib.

Operativ Media xəbər verir ki, bu barədə Özbəkistan Prezidentinin Mətbuat Xidməti məlumat yayıb.

Təbrik məktubunda deyilir:

“Əziz Qardaş!

Ulu əcdadlarımızın yadigarı olan Novruz bayramı münasibətilə Sizi və qardaş Özbəkistan xalqını öz adımdan və Azərbaycan xalqı adından səmimi qəlbdən təbrik etməkdən məmnunluq duyuram.

Arzu edirəm ki, yazın gəlişini müjdələyən bu milli bayram təbiətə sevginin ifadəsi, mənəvi saflığın və yenilənmənin təntənəsi olsun və qardaş xalqlarımıza firavanlıq, xoşbəxtlik və bol nemətlər gətirsin.

Biz dostluq və qardaşlığın gözəl nümunəsi olan Azərbaycan-Özbəkistan münasibətlərinin gündəlik inkişafından və müttəfiqliyimizin möhkəmlənməsindən çox məmnunuq. Əminəm ki, dövlətlərimizin mənafeyi və xalqlarımızın rifahı naminə ortaq mənşəyə, tarixə və mədəniyyətə malik qardaş Özbəkistanla hərtərəfli münasibətlərimizi daha da dərinləşdirmək üçün birgə səylərimizi davam etdirəcəyik.

Bu bayram günlərində sizə və ailənizə möhkəm cansağlığı, xoşbəxtlik, qardaş Özbəkistan Respublikasının və onun xalqının rifahı naminə fəaliyyətinizdə davamlı uğurlar arzulayıram.

Hörmətlə,

İlham Əliyev,

Azərbaycan Respublikasının Prezidenti”.