Fərqanədə "Orta Asiya ölkələri və Azərbaycan" dostluq forumu keçirilir
Fərqanədə Orta Asiya ölkələri və Azərbaycan dostluq forumu keçirilir.
Operativ Media xəbər verir ki, bu barədə "Uza.uz" məlumat yayıb.
Forumun işində siyasətçilər, deputatlar və ictimai fəallar iştirak edirlər.
"Bu gün Mərkəzi Asiya ölkələri ilə Azərbaycan arasında münasibətlərin yeni səviyyəyə çatdığını məmnuniyyətlə qeyd etmək istəyirəm.
Mərkəzi Asiya ölkələri liderlərinin müntəzəm görüşləri, eləcə də Azərbaycanla ikitərəfli və çoxtərəfli dialoqlar yeni səviyyəyə çatıb. Bu proseslərdə strateji tərəfdaşlıq və qarşılıqlı dəstək prinsipləri üstünlük təşkil edir. Azərbaycan vasitəsilə Avropa bazarlarına çıxış Mərkəzi Asiya ölkələri üçün vacibdir və sənaye kooperasiyası, kənd təsərrüfatı və rəqəmsal iqtisadiyyat sahələrində də əməkdaşlıq genişlənir". - Özbəkistan Respublikası Ali Məclisinin Qanunvericilik Palatasının komitə sədri Gülrux Əzəmova bildirib.
