Abbas Əraqçi rusiyalı həmkarı ilə telefon danışığı aparıb - YENİLƏNİB

Rusiya və İran xarici işlər nazirləri Sergey Lavrov və Abbas Əraqçi telefonla Yaxın Şərqdəki vəziyyəti müzakirə ediblər.

Operativ Media xəbər verir ki, bu barədə Rusiya Xarici İşlər Nazirliyi məlumat yayıb.

Məlumata görə, tərəflər regionda baş verən münaqişə, bir sıra ölkələrin gərginliyin azaldılması istiqamətində atdığı addımlar və BMT Təhlükəsizlik Şurasında Hörmüz boğazında gəmiçiliyin təhlükəsizliyinin təmin olunması ilə bağlı aparılan müzakirələr ətrafında fikir mübadiləsi aparıblar.

Nazirlik bildirib ki, danışıqlarda ABŞ və İsrailin İrana qarşı hərəkətlərinin nəticələrinin aradan qaldırılması məsələlərinə də toxunulub.

21:29

İranın xarici işlər naziri Abbas Əraqçi ilə rusiyalı həmkarı Sergey Lavrov arasında telefon danışığı olub.

Operativ Media xəbər verir ki, bu barədə İran Xarici İşlər Nazirliyi məlumat yayıb.

Məlumata görə, tərəflər ikitərəfli münasibətləri və regiondakı vəziyyəti müzakirə ediblər.

Danışıqların detalları açıqlanmayıb.