ABŞ və Özbəkistan arasında strateji tərəfdaşlıq müzakirə olunub

ABŞ Dövlət katibi Marko Rubio və Cənubi və Mərkəzi Asiya üzrə xüsusi nümayəndə Sercio Qor Özbəkistan Prezident Administrasiyasının rəhbəri Səidə Mirziyoyeva ilə görüşüblər.

Operativ Media xəbər verir ki, görüşdə ABŞ–Özbəkistan strateji tərəfdaşlığının inkişafı müzakirə olunub.

Tərəflər xüsusilə kritik minerallar, yeni texnologiyalar və infrastruktur sahələrində özəl sektor investisiya əməkdaşlığının genişləndirilməsi yolları barədə fikir mübadiləsi aparıblar.

ABŞ tərəfi Özbəkistanla ikitərəfli əməkdaşlığın genişləndirilməsində maraqlı olduğunu, qarşılıqlı faydalı ticarət və təhlükəsizlik tərəfdaşlığını gücləndirməyə, həmçinin Özbəkistanın suverenliyini və regional inteqrasiyasını dəstəkləməyə hazır olduğunu vurğulayıb.