ABŞ-də 5,7 bal gücündə zəlzələ baş verib

ABŞ-nin Nevada ştatında 5,7 bal gücündə zəlzələ qeydə alınıb.

Operativ Media xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Bildirilib ki, yeraltı təkanların episentri təxminən 241 min insanın yaşadığı Reno şəhərindən 72 km şərqdə, ocağı isə 10 km dərinlikdə yerləşib.

Tələfat və ya dağıntı barədə məlumat verilməyib.