Qırğızıstan və Səudiyyə Ərəbistanının XİN başçıları Yaxın Şərqdəki vəziyyəti müzakirə ediblər

Qırğızıstan xarici işlər naziri Cinbek Kulubayev Səudiyyə Ərəbistanının xarici işlər naziri Feysəl bin Fərhan Əl Səud ilə telefon danışığı aparıb.

Operativ Media xəbər verir ki, bu barədə Qırğızıstan Xarici İşlər Nazirliyi məlumat yayıb.

Tərəflər Yaxın Şərqdəki vəziyyətin tezliklə deeskalasiya olunmasına, siyasi və diplomatik dialoqun bərpa olunmasına və regionda sülhün və sabitliyin bərpasına yönəlmiş konkret tədbirlərin görülməsinə ümid etdiklərini bildiriblər.