ABŞ-nin BMT-dəki daimi nümayəndəsi: Vaşinqton Tehranla razılığa gələ biləcək

Vaşinqton və Tehran, hər iki tərəf bunda maraqlı olduğu üçün nəticə etibarilə sülh sazişi bağlaya biləcəklər.

Operativ Media xəbər verir ki, bu fikri ABŞ-nin BMT yanındakı daimi nümayəndəsi Mayk Volts ifadə edib.

Corctaun Universitetində keçirilən tədbirdə müvafiq məsələyə toxunan diplomat bildirib: "Hesab edirəm ki, biz hansısa razılığa və ya prezidentin dediyi kimi, sövdələşməyə nail ola bilərik, çünki müxtəlif səbəblərdən hər iki tərəf bunda maraqlıdır".

Bununla belə, diplomat qeyd edib ki, hər iki ölkə "etimad baxımından çox şeyi dəf etməli" olacaq və bu növ istənilən sazişdə olduğu kimi, müddəaların icrasına nəzarət üçün yoxlama mexanizmlərinə ehtiyac duyulacaq.