Almaniyada tətil səbəbindən 650-dən çox "Lufthansa" reysi ləğv edilib

Almaniyanın aparıcı aviaşirkəti "Lufthansa" şirkətinin son 10 ildəki ən böyük tətili səbəbindən aprelin 16-da həyata keçirdiyi ən azı 656 reysi ləğv edilib.

Operativ Media xəbər verir ki, bu barədə "DPA" məlumat yayıb.

Bildirilib ki, aviaşirkətin tətili ardıcıl dördüncü gündür davam edir. 

Təkcə aviaşirkətin mərkəzi olan Frankfurt-na-Maynda planlaşdırılan 1300 uçuşdan 656-sı ləğv edilib. Qrupun bəzi törəmə müəssisələrində uçuşların 70%-ə qədəri ləğv edilib.

İlin əvvəlindən bəri Lufthansa həmkarlar ittifaqları bir neçə böyük tətil keçirib. Əmək haqqı və sosial müavinətlər üzərində fikir ayrılıqlarından qaynaqlanan əmək münaqişəsi aviaşirkətin yüz illik yubileyi və ABŞ-İran müharibəsinin yaratdığı enerji böhranı fonunda davam edir.

Agentliyin məlumatına görə, tətil son 10 ildə ən böyük tətil olub.