İlham Əliyev Türkiyəyə işgüzar səfər edib - YENİLƏNİB

Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğanın dəvəti ilə 5-ci Antalya Diplomatiya Forumunda iştirak etmək üçün aprelin 16-da Türkiyəyə işgüzar səfərə gəlib.

Operativ Media xəbər verir ki, Antalya Beynəlxalq Hava Limanında Prezident İlham Əliyevi və birinci xanım Mehriban Əliyevanı Antalya şəhərinin valisi Hulusi Şahin və digər rəsmi şəxslər qarşıladılar.

***

10:02

Azərbaycan Prezidenti İlham Əliyev Türkiyəyə səfər edəcək.

Operativ Media-nın xəbərinə görə, Prezident Antaliya Diplomatiya Forumunda iştirak edəcək.

Qeyd edək ki, Pakistanın Baş naziri Şahbaz Şərif və Suriyanın keçid dövrü Prezidenti Əhməd Əl- Şaraa da Türkiyəyə səfər edəcək.

Xatırladaq ki, Forum 17-19 aprel tarixlərində baş tutacaq.