İsrail ordusu atəşkəsi pozaraq Livanı bombalayıb

İsrailin 10 günlük müvəqqəti atəşkəs rejiminin qüvvəyə minməsinə baxmayaraq, Livanın cənubundakı əl-Hiyam və Dibbin şəhərlərinə hava hücumları həyata keçirdiyi bildirilir.

Operativ Media xəbər verir ki, bu barədə "NNA" agentliyi məlumat yayıb.

Atəşkəs başladıqdan qısa müddət sonra dərc olunmuş xəbərdə deyilir: "Atəşkəsin tətbiqindən sonra İsrail əl-Hiyam və Dibbin şəhərlərini bombalamağa davam edir".

Hesabatda həmçinin deyilir ki, "Rəşə şəhərində və Cəbəl əl-Şeyx (Hermon) dağının qərb (cənub-şərq) yamaclarında intensiv dron fəaliyyəti müşahidə olunur".

Bombalanmanın nəticələri, o cümlədən maddi ziyan və ya insan itkisi olub-olmadığı barədə hələlik heç bir məlumat açıqlanmayıb.