Ermənistan Türkiyə ilə sərhədlərini açmağa hazırdır

Ermənistan Türkiyə ilə sərhədlərini açmağa siyasi və texniki cəhətdən hazırdır, lakin qərar Ankaranındır.

Operativ Media xəbər verir ki, bu barədə Ermənistan xarici işlər nazirinin müavini Kostanyan Türkiyə mətbuatına bildirib.

O bildirib ki, açılış üçün bütün lazımi infrastruktur yaradılıb.

"Ölkələr arasında münasibətlərin normallaşdırılması prosesi xeyli irəliləyiş əldə edib və xarici işlər nazirlikləri səviyyəsində təmaslardan kənara çıxıb. Dialoq həm də rəhbərlər səviyyəsində və müxtəlif nazirliklər arasında inkişaf edir və bu, daha geniş qarşılıqlı fəaliyyət formatına keçidi göstərir". - Kostanyan qeyd edib.