Belçika Baş nazirinin müavini və xarici işlər naziri Maksim Prevost Ermənistan və Azərbaycan arasında sülh müqaviləsinin tezliklə imzalanacağına ümid etdiyini bildirib.

Operativ Media xəbər verir ki, bu barədə o, erməni həmkarı Ararat Mirzoyan ilə telefon danışığından sonra “X” sosial şəbəkə hesabında yazıb.

Paylaşımda qeyd olunub: "Ermənistan və Azərbaycanın sülh prosesində davamlı iştirakını alqışlayıram və sülh müqaviləsinin tezliklə imzalanmasına ümid edirəm".

Eyni zamanda, Belçika ilə Ermənistan arasında ikitərəfli münasibətlərin gücləndirilməsi, eləcə də Avropa İttifaqı ilə Ermənistan arasında əməkdaşlığın genişləndirilməsi perspektivləri müzakirə edilib.