Ərdoğan Yeni Zelandiyanın general-qubernatorunu qəbul edib

Türkiyə Prezidenti Rəcəb Tayyib Ərdoğan Yeni Zelandiyanın general-qubernatoru Sindi Kironu qəbul edib.

Operativ Media xəbər verir ki, bu barədə Türkiyə Prezident Administrasiyasının Kommunikasiya İdarəsi məlumat yayıb.

Bildirilib ki, görüşdə Türkiyə-Yeni Zelandiya əlaqələri, regional və qlobal məsələlər müzakirə edilib.

"Türkiyənin Yeni Zelandiya ilə başda ticarət olmaqla, müdafiə sənayesi və nəqliyyat sahələrində əlaqələri inkişaf etdirməyi hədəflədiyi bildirilib", - məlumatda qeyd olunub.

Söhbət zamanı Yeni Zelandiyanın islamofobiya ilə mübarizəsi xüsusi vurğulanıb, Yeni Zelandiyanın Fələstin Dövlətini tanımasının həllə töhfə verəcəyi qeyd edilib.