Dünya liderləri "Ətraf Mühit Sammit"i üçün Astanaya gəlib

2026-cı il Regional Ətraf Mühit Sammitində iştirak etmək üçün dövlət və hökumət başçıları Astanaya gəlib.

Operativ Media xəbər verir ki, bu barədə "Kazinform" məlumat yayıb.

Bildirilib ki, gələn qonaqlar arasında Gürcüstan Prezidenti Mixeil Kavelaşvili, Azərbaycanın Baş naziri Əli Əsədov, Özbəkistan Prezidenti Şavkat Mirziyoyev, Tacikistan Prezidenti Emoməli Rəhmon, Ermənistan Prezidenti Vaaqn Xaçaturyan, Qırğızıstan Prezidenti Sadır Japarov və Türkmənistan Prezidenti Sərdar Berdiməhəmmədov yer alıb.

Sammit zamanı iştirakçıların iqlim dəyişikliyi, təbii sərvətlərdən səmərəli istifadə və ətraf mühitin mühafizəsi sahəsində regional əməkdaşlığın inkişafı da daxil olmaqla, ətraf mühit gündəliyindəki əsas məsələləri müzakirə etmələri gözlənilir.