Paşinyan Türkiyə bayrağının yandırılmasını təxribat adlandırıb.

Operativ Media xəbər verir ki, Ermənistanın Baş naziri Nikol Paşinyan İrəvanda keçirilən yürüş zamanı Türkiyə bayrağının yandırılmasını pisləyib.

O bildirib ki, bu cür davranış açıq-aşkar təxribatdır, gərginlik yaradır və qəbuledilməzdir.

Baş nazir xüsusilə qonşu dövlətin bayrağının yandırılmasının yolverilməz olduğunu vurğulayıb.

Ermənistan parlamentinin sədri Alen Simonyan da hadisəni tənqid edərək, bunu mənasız, utancverici və sülhə zidd addım kimi qiymətləndirib.