Krit adasında 5,5 bal gücündə zəlzələ baş verib

Yunanıstanın Krit adası sahillərində 5,5 bal gücündə zəlzələ baş verib.

Operativ Media xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Bildirilib ki, yeraltı təkanların episentri təxminən 12.300 nəfər əhalisi olan İerapetra şəhərindən 27 km cənub-şərqdə, ocağı isə 17 km dərinlikdə yerləşib.

Tələfat və ya dağıntı barədə məlumat verilməyib. Sunami təhlükəsi elan edilməyib.