Hakan Fidan İran, Pakistan və ABŞ rəsmiləri ilə danışıqlar prosesini müzakirə edib

Türkiyənin xarici işlər naziri Hakan Fidan ABŞ rəsmiləri, eləcə də iranlı və pakistanlı həmkarları ilə telefon vasitəsilə İran-ABŞ danışıqlar prosesini müzakirə edib.

Operativ Media xəbər verir ki, bu barədə TASS agentliyinə Türkiyə Xarici İşlər Nazirliyindəki mənbə məlumat verib.

"Xarici işlər naziri Hakan Fidan aprelin 26-da amerikalı vasitəçilərlə telefon danışığı aparıb. Tərəflər ABŞ və İran arasındakı danışıqların mövcud vəziyyəti barədə fikir mübadiləsi aparıblar", - deyə mənbə bildirib.

Məlumatda həmçinin qeyd olunub ki, şənbə günü axşam saatlarında H.Fidanın iranlı və pakistanlı həmkarları ilə də eyni mövzuda təmasları olub: "Aprelin 25-də Fidan İranın xarici işlər naziri Abbas Araqçı və Pakistanın xarici işlər naziri İshaq Dar ilə ayrı-ayrılıqda telefon danışığı aparıb. Müzakirələr İran və ABŞ arasındakı danışıqlar prosesindəki son hadisələrə həsr olunub"..