ABŞ 35 fiziki və hüquqi şəxsə qarşı sanksiyalar tətbiq edib
ABŞ İranın kölgə bank sistemində iştirak etməkdə ittiham olunan 35 fiziki və hüquqi şəxsə qarşı sanksiyalar tətbiq edib.
Operativ Media xəbər verir ki, bu barədə ABŞ Maliyyə Nazirliyi məlumat yayıb.
Agentliyin məlumatına görə, bu şəxslər və qurumlar sanksiyalardan yayınma, qanunsuz neft sövdələşmələri və İranın regiondakı fəaliyyətinin maliyyələşdirilməsi ilə bağlı on milyardlarla dollarlıq vəsaitin dövriyyəsinə kömək ediblər.
Nazirlik bildirib ki, şəbəkələr İslam İnqilabı Keşikçiləri Korpusu (SEPAH) da daxil olmaqla İran silahlı qüvvələrinə beynəlxalq maliyyə sisteminə daxil olmağa, qanunsuz neft satışı üçün ödənişləri qəbul etməyə, raketlər və digər silahlar üçün həssas komponentlər almağa və Tehranla müttəfiq olan qruplara vəsait köçürməyə imkan verib.
