Belarus və Qazaxıstan prezidentləri telefon danışığı aparıblar

Belarus Prezidenti Aleksandr Lukaşenko Qazaxıstan Prezidenti Kasım-Jomart Tokayevlə telefonla danışıb.

Operativ Media xəbər verir ki, bu barədə "Belta" məlumat yayıb.

Bildirilib ki, tərəflər qarşıdan gələn tədbirlərin və səfərlərin cədvəlini müzakirə ediblər.

May ayının sonunda Astanada Ali Avrasiya İqtisadi Şurası və Avrasiya İqtisadi Forumu keçiriləcək. Prezidentlər bu beynəlxalq forumların gündəliyini təşkil edəcək məsələlərin siyahısını nəzərdən keçiriblər.

Aleksandr Lukaşenko qazaxıstanlı həmkarını ikitərəfli gündəlikdəki bütün cari məsələləri hərtərəfli müzakirə etmək və gələcək üçün perspektivli layihələri və planları müəyyən etmək üçün Belarusa rəsmi səfərə dəvət edib.