Ukrayna Rusiya ilə yeni əsir mübadiləsinin hazırlığı ilə məşğuldur.

Operativ Media xəbər verir ki, bu barədə Ukrayna Prezidenti Volodimir Zelenski bildirib.

Onun sözlərinə görə, Hərbi Əsirlərlə Rəftar üzrə Koordinasiya Qərargahı artıq mübadilə üçün zəruri olan sənədləri və siyahıları hazırlayıb.

"Bu il artıq baş tutmuş mübadilələrin nəticələrini və sonrakıların hazırlığını müzakirə etdik. Ümid edirik ki, yaxın vaxtlarda Rusiyada və müvəqqəti işğal olunmuş ərazidə əsirlikdə olan ukraynalıları evdə qarşılaya biləcəyik", - bəyanatda bildirilib.

Qeyd edək ki, Ukrayna lideri Rusiyada 7 min, Ukraynada isə 4 min əsir saxlanıldığını bəyan etmişdi.