Pakistan və İran XİN-ləri Yaxın Şərqdə sülhün təmin edilməsi səylərini müzakirə ediblər

Pakistanın xarici işlər naziri İshaq Dar və iranlı həmkarı Abbas Əraqçi telefon danışığında Yaxın Şərqdəki vəziyyətlə bağlı fikir mübadiləsi aparıb və regionda sülhün bərqərar olması səylərini müzakirə ediblər.

Operativ Media xəbər verir ki, bu barədə Pakistan Xarici İşlər Nazirliyinin məlumatında bildirilir.

Nazirliyin açıqlamasında deyilir: "Müzakirədə regional vəziyyət və Pakistanın bölgədə sülh və sabitliyin təmin edilməsi üçün davam edən diplomatik səyləri müzakirə olunub".

Bəyanata görə, Əraqçi İslamabadın vasitəçilik səylərini və İran-ABŞ danışıqlar prosesindəki konstruktiv rolunu yüksək qiymətləndirib. Dar da öz növbəsində dialoq və diplomatiyanın regionda və ondan kənarda sülh yolu ilə həll və sabitliyə aparan yeganə mümkün yol olaraq qaldığını vurğulayıb.