Uşakov: Putinin Zelenski ilə görüşməyə hazır olması ilə bağlı mövqeyi dəyişməz olaraq qalır

Operativ Media xəbər verir ki, bunu Rusiya Prezidentinin köməkçisi Yuri Uşakov jurnalistlərə açıqlamasında bildirib.

Onun sözlərinə görə, Vladimir Putin dəfələrlə qeyd edib ki, Zelenski istədiyi halda Moskvaya zəng edə bilər və Rusiya tərəfi onu qəbul edərək danışıqlar aparmağa hazırdır.

Uşakov, həmçinin Robert Fikonun Kiyevdən çatdırdığı siqnalları köhnə və təkrarlanan adlandırıb.

“Bu mesajlar Tramp da daxil olmaqla bir çox insan vasitəsilə ötürülüb”, - deyə o bildirib.