Tailandda yarasalarda yeni koronavirus ştammı aşkar edilib

Tailand ölkədə yarasalarda yeni bir koronavirus ştammının (CoV) aşkarlandığını elan edib.

Operativ Media xəbər verir ki, bu barədə "The Nation" qəzeti məlumat yayıb.

Nazirlik rəsmiləri bildiriblər ki, indiyə qədər insanlarda heç bir yoluxma halı qeydə alınmayıb və epidemiya riski hazırda aşağı səviyyədədir.

İlkin nəticələr göstərir ki, yeni virusun COVID-19 ilə müqayisədə xəstəlik törətmə və ötürülmə potensialı daha aşağıdır.