Pakistanda polis maşınına yerləşdirilmiş bombanın partlaması nəticəsində 7 nəfər həlak olub

Pakistanın şimal-qərbindəki Xayber Paxtunxva əyalətində polis maşınına qarşı edilən bombalı hücum nəticəsində iki polis məmuru da daxil olmaqla yeddi nəfər həlak olub, bir neçə nəfər yaralanıb.

Operativ Media xəbər verir ki, bu barədə "Sinxua" məlumat yayıb.

Bildirilib ki, hadisə Lakki Marvat rayonunda ərazidə adi polis patrulu zamanı baş verib.

Ərazi araşdırma üçün mühasirəyə alınıb. Partlayışın səbəbi və digər hallar hələlik aydınlaşdırılmayıb.